Sunday, May 28, 2017

வேப்பம்பூ ரசம் !

டயாபிடீஸ்  விஸ்வருபம்  எடுத்திருக்கும், இந்நேரத்தில் இயற்கை நமக்கு அளித்திருக்கும் கொடை வேம்பு.  நாம் அதை சரியாக  உபயோகித்தால்,  சர்க்கரை நோயை, ஓட, ஓட விரட்டி விடலாம்.

வேம்பின்  எல்லா பாகங்களும் மருத்துவக் குணம் கொண்டவை தான்.

நான் இங்கே, வேப்பம்பூ  சேர்த்து செய்யும் ரசம் பற்றி  இந்த வீடியோவில் சொல்லியிருக்கிறேன் பாருங்கள்.


Please 'Like', 'Share', 'Subscribe'& comment to my videos. Thankyou!

Thursday, May 25, 2017

தேங்காய் சிவப்பு மிளகாய் சட்னி !

தினமும் ," இன்னைக்கும்  தோசைக்கு சட்னியா ?" என்று உங்கள் குடும்பத்தினர்  முகத்தைத் திருப்பிக் கொள்கிறார்களா? 

பெரியவர்கள் சொல்வதைக் கேட்டு, கேட்டு, உங்கள் வீட்டு வாண்டுகளும்,  " எனக்கு சட்னி  வேண்டாம்." என்று முறைக்கிறார்களா?

இதோ இந்த வீடியோவில் இருக்கிறது தீர்வு. சட்னியில் உப்பு அதிகமாகி விட்டால், சரி செய்வதெப்படி என்கிற 'டிப்ஸ்' கூட  வீடியோவில் அடங்கியிருக்கிறது.

இதை நீங்கள் மட்டும் பார்க்காமல், நண்பர்களுடன் 'Share' செய்து கொள்ளுங்கள். 'Like'  & Subscribe' பட்டன்களைத் தட்டி விடுங்கள்.

வீடியோவின் கீழே இருக்கும்  'comment' பெட்டியில் உங்கள் கருத்து, சந்தேகம்,  எதை வேண்டுமானாலும்  நான் செய்திருக்கும் தவறுகள் உட்பட..... பகிர்ந்து கொள்ளுங்கள்.

இதோ வீடியோ :


          நன்றி ! நன்றி !

Monday, May 22, 2017

சமையல் டிப்ஸ் !

குக்கர் அடுப்பில்  சீறி க் கொண்டிருக்க, உங்கள் கையில்  வெங்காயம்  வெட்டுப்பட, கண்களிலோ  கண்ணீர் ( வெங்காயத்தால்). 

அப்போது உங்களவர் ," என் போனைப் பார்த்தாயா ?" கேட்க,

உங்கள் மகனோ , மகளோ, " அம்மா என் யூனிபார்ம் காணோம்." என்று அபயக் குரல் கொடுக்க .... எல்லாவற்றையும் சரி செய்து விட்டு,

" இதோ புளியைக் கரைத்து சாம்பார்  செய்து விட்டால்  ஆச்சு என்று சமையலறைக்குள் நுழைந்து ,"புளியை  ஊற வைத்த கிண்ணம் எங்கே என்று தேடிய பின் தான் உங்கள் நினைவிற்கு வருகிறது ," இன்னும் புளியை  நனைத்தே  வைக்க வில்லையா?".

"இன்றைக்கு நேரத்திற்கு  எல்லாம் முடித்தாற்  போல் தான்." அங்கலாய்த்துக் கொண்டு , புளியுடன் யுத்தத்தை ஆரம்பிக்கப் போகிறீர்களா?

அப்படிப்பட்ட யுத்தம் தவிர்க்கும் முயற்சி தான்  இந்த வீடியோ :



யுத்தம் தவிர்க்கும் டிப்ஸ்  வீடியோவை, 'Like', 'Share' & 'Subscribe' செய்து விடுங்களேன்.

நன்றி.




Saturday, May 20, 2017

கெட்ட கொழுப்பைக் குறைக்க.....

கொழுப்பே  கெட்டது தான். இதில்  நல்லது,  கெட்டது  என்று  ......என்ன சொல்ல வருகிறாய் ? என்று சிலர்  யோசிப்பது கேட்கிறது..

உடல் நலத்திற்கு, முக்கியமாய் இதயத்திற்குத் தீங்கு செய்யும் ' LDL' கொழுப்பு மருந்தில்லாமல் கரைய  இந்தப் பொடி உதவும். வீட்டிலேயே  எளிதாக செய்யக் கூடிய  பொடி.  . நம் பாரம்பர்ய  உணவு . .சுவைக்கு நான் கியாரண்டி.

எல்லா வயதினரும்,  உண்ணலாம்.

எப்படி செய்யலாம் என்பதை இணைப்பில் இருக்கும் வீடியோவில் விளக்கியிருக்கிறேன். பாருங்களேன்....




 எப்பொழுதும் போல் இந்த வீடியோவிற்கும், 'Like', 'Share' & 'Subscribe'  செய்து விடுங்கள். உங்களுக்கு நன்றியுடையவளாய் இருப்பேன். நன்றி.


Thursday, May 18, 2017

சாம்பார் ரகசியம் !


" அப்படியென்ன தான் சேர்க்கிறாய் உன் சாம்பாரில் ? ருசியாகவும் மனமாகவும் இருக்கிறதே ." என்று பலர் என் சாம்பாரைப் புகழ்வதுண்டு.

ஒரு சின்ன புன்சிரிப்புடன் நகர்ந்து விடுவேன்.

அந்த என் சாம்பார் ரகசியம் இந்த வீடியோவில்  வெட்ட வெளிச்சமாகியிருக்கிறது

பாருங்கள்.....  பார்ப்பதோடு நிற்காமல், வீடியோவை  'Like', 'Share' & ' Subscribe'  செய்வது  என் சேனல்  வளர்ச்சிக்கு   பேருதவியாயிருக்கும்.  நன்றி.



!நன்றி! !நன்றி!

Monday, May 15, 2017

மைசூர் ரசம் | Mysore Rasam.

மைசூர்  ரசம் பெயர்க் காரணம்  தெரியவில்லை. தெரிந்தவர்கள் சொல்லுங்கள். பெயர் எப்படியோ இருந்து விட்டுப் போகட்டும்.  ரசம்  ருசியாய் இருந்தால் சரி.

இந்த ரசம் மிக ருசியாய் இருக்கும்.  அதற்கு நான் கியாரண்டி.  செய்முறை விளக்கத்தை வீடியோவாக்கி விட்டேன்.

செய்து பாருங்கள்..... 'Share', 'like' & 'subscribe' செய்து விடுங்களேன் ப்ளீஸ் .....

நீங்கள் 'subscribe' செய்வதற்கு இங்கே க்ளிக் செய்து விடுங்கள்....



நன்றி! நன்றி! நன்றி!

Friday, May 12, 2017

உப்புமா கொழுக்கட்டை!

" இன்று மாலை நேர சிற்றுண்டிக்கு  உப்புமா கொழுக்கட்டை  செய்யட்டுமா? " இது நான்.

"உப்புமாவா ? கொழுக்கட்டையா? " என்னவர் மறு கேள்வி கேட்டார்.

"உப்புமா கொழுக்கட்டை நான் செய்ததே இல்லை ? நீங்களும் சாப்பிட்டதேயில்லை . அப்படித்தானே? " யுத்தத்திற்கு ஆயத்தமானேன்.

அவசரமாக அவர்," இல்லை...இல்லை  சாப்பிட்ட  நினைவிருக்கிறது......" என்று வெள்ளைக் கொடி காட்டி என்னை சமாதானப் படுத்தி விட்டார். 

அதற்குப் பிறகு அவரை ஆளையே காணோம். எங்கே என்று  பார்த்தால்  கேமிராவை அட்ஜஸ்ட்  செய்து  கொண்டிருந்தார்.

"கேமிரா எதற்கு?" நான் கேட்க.....

"உப்புமா கொழுக்கட்டை  செய்யப் போகிறாயே  . அதற்குத் தான்...."
முதலில் புரியவில்லை. பின்னர் அவர் நக்கல் புரிந்தது.

" மாட்டிக் கொண்டீர்களா? கேமிராவுடன் வந்து விட்டீர்கள்.உப்புமா கொழுக்கட்டை செய்முறை  வீடியோ எடுத்து விடுங்கள்." நான் சொல்ல....

"அடக் கடவுளே....." அங்கலாய்த்துக் கொண்டே  வீடியோ  எடுத்து விட்டார்.

 இதோ வீடியோ......

பார்த்து உங்களின் 'comments'  மட்டுமல்ல , 'share'&'subscribe' செய்து விடுங்களேன்.
 



நன்றி ! நன்றி!நன்றி!

Wednesday, May 10, 2017

இட்லி மிளகாய் பொடி !

இட்லி தோசையா? எங்களுக்கு சாம்பார், சட்னி தான் வேண்டும் என்று சொல்லும் ரசிகர்கள்  இருக்கிறார்கள்.  வேறு சிலர் சாம்பாரோ, சட்னியோ, அதனுடன் எங்களுக்கு  நல்லெண்ணெயில் குழைத்த  மிளகாய்ப் பொடி அவசியம் வேண்டும்  என்று சொல்லும் மிளகாய்ப் பொடி ரசிகர்களும் இருக்கத் தான் செய்கிறார்கள்.

இல்லத்தரசிகளுக்கோ  இட்லி மிளகாய்ப்  பொடி  வiரப் பிரசாதம் என்று சொல்லலாம்.  சட்னி, சாம்பார் செய்ய முடியவில்லையா ?  மிளகாய்ப் பொடி கைவசம் இருந்தால் கவலையே வேண்டாம்.
 ஆனால், மிளகாய்ப் பொடி செய்முறையில் சில நுணுக்கங்கள் இருக்கத் தான் செய்கின்றன.
அதனால், இட்லி மிளகாய்ப் பொடி செய்யும் போது  படம் பிடித்து விட்டேன். படம் எப்படி இருக்கிறது என்று பார்த்து உங்கள் மேலானக் கருத்துகளை சொல்லுங்களேன்.


உங்கள் நண்பர்களிடம் இந்த  You Tube வீடியோவை 'Share' செய்து விடுங்கள்.  வீடியோவிற்குக் கீழே உள்ள 'Like'  மற்றும் 'Subscribe' பட்டன்களை ஓங்கி  ஒரு அடி அடித்து விட்டு,  நகருங்கள்.

Saturday, May 6, 2017

மாங்காய் பொரிச்ச குழம்பு.

மாங்காய் சீசன் என்பதால்மாங்காய் பொரிச்ச குழம்பு,  மதிய  உணவில்.. புளிப்பும் உரைப்புமாக  சுவையான குழம்பு  என்று என் மருமகள்  எனக்குப் புகழாரம்.

மாங்காயில் பச்சடி  செய்வோம், மாங்காய் ஊறுகாய்  தெரியும், ஏன்  மாங்காயில் சாம்பார் கூட கேள்வி பட்டிருக்கிறோம். இதென்ன மாங்காய் பொரிச்ச குழம்பு  என்று கேட்பவர்கள் கீழே இருக்கும் செய் முறை வீடியோவைப் பாருங்கள் .  நீங்களும் செய்து பார்த்து  சுவை எப்படியிருந்தது என்று எனக்கு சொல்ல மறக்காதீர்கள்.  சரியா?




"எங்களுக்குத் தெரியாதையா  நீ செய்திருக்கப் போகிறாய் ?" என்கிற சமையலுலக  ஜாம்பவான்கள் என் செய் முறை  சரி தானா என்று பார்த்து திருத்தங்கள் இருந்தால்  சொல்லுங்களேன்.

ஆனால் வீடியோவை  'like', 'share' & 'subscribe' செய்ய மறக்காதீர்கள் சரியா?

                                                                       நன்றி ! நன்றி!





Wednesday, May 3, 2017

இட்லி சாம்பார்!

இட்லியும், சாம்பாரும் பற்றிய பதிவு என்று நீங்கள் நினைத்து  விடப் போகிறீர்கள்.  இது இட்லிக்கான சாம்பார். இதில் துவரம் பருப்பு சேர்ப்பதில்லை.  துவரம் பருப்பு சேர்க்காமல் சாம்பாரா?  என்று நீங்கள் கேட்பது புரிகிறது.

செய்முறையை இந்த வீடியோவில் சொல்லியிருக்கிறேன் பாருங்கள்.

ஒரு எச்சரிக்கை:  செய்முறைப் பார்த்து சாம்பார்  செய்தீர்களானால்  கணக்கில்லாமல் மலை மலையாய் இட்லி செய்ய வேண்டி நேரலாம். சாம்பாரின் சுவை, இட்லிகளை நிமிட நேரத்தில் காலியாக்கி விடும், அபாயம் உண்டு. அதற்காகத் தான் இந்த எச்சரிக்கை.

இதோ வீடியோ:

வீடியோ பார்த்த பின்பு 'Like', 'Share' & 'Subscribe'  செய்ய மறக்க வேண்டாமே! ப்ளீஸ்.......



                                                         நன்றி ! நன்றி!நன்றி!

Friday, April 28, 2017

கொத்தமல்லி துவையல்/ சட்னி

அன்று தோழி கமலி என் வீட்டிற்கு விஜயம்.

" அட.... கமலியா ....வா வா...."  நான் வரவேற்றேன்.

அவளுக்கு ஜில்லென்று  எலுமிச்சை ஜூஸ் கொடுத்து விட்டு பேச உட்கார்ந்ததில் நேரம் ஓடிக் கொண்டேயிருந்தது.

இவளுக்கு சாப்பிட ஒன்றும் கொடுக்கவில்லையே என்று நினைவு வர.........அவளுக்குத் தோசை வார்த்துக் கொடுத்தேன். அதற்கு ஜோடியாக  கொத்தமல்லி சட்னி  வைத்து சாப்பிட சொன்னேன்.

" அட.... ராஜி.... இந்த கொத்தமல்லை சட்னி  படு ஜோர்.  வித்தியாசமாய் இருக்கிறதே. அபார ருசி "  நாக்கை சப்புக் கொட்டி சாப்பிட்டுக் கொண்டிருந்தாள் .

நானோ பெருமையாய் ,"வெங்காயம் சேர்த்து  அரைத்தேன் கமலி." என்றேன்.

"வெங்காயமா... கொத்தமல்லியுடனா ?  அப்புறம்......? " இழுத்தாள் கமலி.

"அப்புறம்........ விழுப்புரம் " நான் நக்கலடித்து விட்டு ,

" இந்த வீடியோவைப் பார்த்துக் கொள்."  என்று  என் ஃபோனை அவளிடம் நகர்த்தினேன்..

நீங்களும் தான் பாருங்களேன். சட்டென்று செய்து விடலாம். ருசியோ அபாரம்.



      'Share', 'Like' & 'Subscribe' செய்ய  மறக்க வேண்டாமே  ப்ளீஸ் ....
                                                    நன்றி! நன்றி!

Monday, April 24, 2017

வாழைப்பூ வடை!

அன்று மார்கெட்டிற்கு சென்றிருந்த போது ,வாழைப்பூ  கண்ணில் பட சட்டென்று ஒன்று வாங்கி வந்து விட்டேன். அதை ஆய்ந்து கள்ளன் எடுத்து, நறுக்கி.....சலித்துப் போய்விட்டது.

குடும்பத்தாரின் உடல் நலத்தை முன்னிட்டு, வாழைப்பூவை சரி செய்து, மறு நாள்  உசிலியாக செய்து கொள்ளலாம் என்று தீர்மானித்திருந்தேன் . ஆனால் வீட்டில் எல்லோரும் வாழைப்பூ வடை செய்தால் தான் ஆயிற்று என்று சொல்லவே , உசிலி என்று முடிவு செய்திருந்ததை மாற்றி வடையாக செய்து விட்டேன்.

வாழைப்பூ  வடை செய்முறை  வீடியோ இதோ உங்கள் பார்வைக்கு:
        
                           

உங்களின் மேலானக் கருத்துகளை வீடியோவிற்குக் கீழே  இருக்கும் கருத்துப் பெட்டிக்குள்  இட்டால் கூடுதல் மகிழ்ச்சி.
                                                          நன்றி!நன்றி!

Thursday, April 20, 2017

தேங்காய் சட்னி !



நான்  'Rajisivams kitchen' You Tube Channel  ஆரம்பித்ததிலிருந்து , சாம்பாரில் உப்பு சரியாக இருக்கிறதா என்று பார்க்கிறேனோ இல்லையோ,  சமையலறையில் கேமிரா  சரியாக செட் ஆகியிருக்கிறதா என்பதில் அதிக அக்கறை எனக்கு என்று வீட்டில் எல்லோரும் சொல்கிறார்கள்.

அவர்கள் சொல்வதை உண்மையாக்கி விட்டேன். தேங்காய் சட்னியையும் விடவில்லை . படமெடுத்தாச்சு. பார்த்து எப்படி இருக்கிறது என்று சொல்லி விடுங்கள்.  வீடியோப் பார்த்த பின் மறக்காமல்  ஷேர் செய்து விடுங்கள்.

அப்படி ஷேர் செய்ய மறந்து விட்டால் நாளை நீங்கள் சாப்பிடும் சட்னியில் உப்பு அதிகமாகி விடும், சாத்தியக் கூறுகள் அதிகமாகும் அபாயம் உள்ளது.t

ஷேர்  செய்து வரும் நண்பரகள் அனைவருக்கும் என் மனமார்ந்த நன்றிகள் பல.

இதோ தேங்காய் சட்னி வீடியோ :



'Like', 'Share' & 'Subscribe'  செய்யும் நண்பர்களுக்கு  மீண்டும் எனது  நன்றிகள் பல.

Monday, April 17, 2017

பருப்புத் துவையலுக்கு எது இணை?

உலகம் சுற்றும் வாலிபனான  என் மகன் எப்பொழுது தரையிறங்கினாலும், அவன்  விருபப்பட்டுக் கேட்பது பருப்புத் துவையலும், வத்தக் குழம்பும் தான்.     
'' உலகில்  பல இடங்களில் சாப்பிட்டிருக்கிறேன்.என்ன தான் வெண்ணெயும், க்ரீமுமே கொட்டி கொட்டி செய்தாலும்,  அவையெல்லாம் நம்   பருப்புதுவையலிற்கும், வத்தக் குழம்பிற்கும் ஈடாகுமா ?" என்று அங்கலாய்ப்பான்.

உங்களுக்கும் 'பருப்புத்துவையல்,வத்தக்குழம்பு 'ஜோடியைப் பிடிக்கும் என்று எனக்குத் தெரியும்.

நான் செய்யும் வத்தக்குழம்பு செய்முறை பார்க்க  இங்கே ' க்ளிக்' செய்யவும் .

பருப்புத் துவையல் எப்படி செய்வது என்று கீழிருக்கும்  வீடியோவில் சொல்கிறேன்.



           உங்களின் மேலான கருத்துக்கள் என்னை மேம்படுத்த உதவும்.
                                                           நன்றி! நன்றி!


Friday, April 14, 2017

மாங்காய் பச்சடி

அனைவருக்கும் இனிய தமிழ் புத்தாண்டு வாழ்த்துக்கள்!

தமிழ் புத்தாண்டு அன்று எத்தனை  இனிப்பு வகை செய்தாலும், மாங்காய் பச்சடி இல்லாமல் புத்தாண்டா?  நான் மட்டும் செய்யாமல் விடுவேனா என்ன? செய்தேன் மிக அருமையாக வந்திருந்தது. 

அருமையாய் அமைந்ததை வீடியோ எடுத்துப் பதிவிட்டுக் கொண்டால் என்றாவது உபயோகமாக இருக்குமே என்று படம் பிடித்துக் கொண்டேன்.

பச்சடி சுவைத்த பின் என்னவர்  கேட்டார்," எல்லாம் சரி. முக்கியமான ஒன்றை  அதில் சேர்க்க மறந்து விட்டாயே " என்று.

அப்பொழுது தான் நினைவிற்கு வந்தது.  ஆமாம்.......ஸ்........மறந்து விட்டேன். ஆனால் அது போடாமல் இருந்ததாலும்  சுவையில் எந்த மாற்றமும்  இல்லை. என்னவென்று  யோசிக்கிறீர்களா?

பாருங்கள் உங்களுக்கேப் புரியும் :-


    உங்கள் நண்பர்களுடன் ஷேர் செய்ய மறக்க வேண்டாமே! நன்றி ! நன்றி!

Tuesday, April 11, 2017

வத்தக் குழம்பு

'வத்தக் குழம்பு' என்பதை விடவும் 'வற்றல் குழம்பு' என்பதே சரி என்றே நினைக்கிறேன் . வத்தக் குழம்பு  என்று சொன்னால் எளிதாக எல்லோருக்கும் விளங்கும் என்பதால்  அதையே தலைப்பாக்கி விட்டேன்.

வத்தக் குழம்பு செய்யத் தேவையானவை :


புளி  ஒரு சின்ன உருண்டை. ( கெட்டியாக கரைத்துக் கொள்ளவும்)
மஞ்சள் பொடி  - கால் ஸ்பூன்.
சாம்பார் பொடி - 2-3 ஸ்பூன்.
முருங்கைக்காய்  நறுக்கியது .
உப்பு  - தேவைக்கேற்ப


இன்னும் என்னென்ன தேவை, எப்படி செய்வது என்று நான் சொல்வதை விடவும் ,செய்முறையை வீடியோவில் பார்த்தால் சட்டென்று புரிந்து விடும் என்பதால்

இதோ  வீடியோ:



வீடியோவை  உங்கள் நண்பர்கள் உறவினர்களுடன் 'ஷேர்'  செய்ய மறக்க வேண்டாம். ' ஷேரிங் '  பற்றி (ஓய்வு பெற்ற ) ஆசிரியையான நான் சொல்லாமல் வேறு யார் சொல்வார்களாம்.

                                                              நன்றி !

Saturday, April 8, 2017

பூண்டு பொடி

உங்கள் இதயத்திற்கு  இதமான பொடி வகை ஒன்றை இங்கே பகிர்கிறேன்.
நான் இங்கே சொல்லப் போவது பூண்டுப் பொடி.
இதற்குத் தேவையானவை

உரித்தப் பூண்டு  -  ஒரு கைப்பிடியளவு.
துவரம் பருப்பு --1 கப்.
சிவப்பு மிளகாய்--- சிறிது.( 1 அல்லது 2).
உப்பு  ---- தேவைக்கேற்ப .
எண்ணெய்----கால் டீ ஸ்பூன்.


எப்படி செய்ய வேண்டுமென்பதை  நான் சொல்வதை விட வீடியோவைப் பார்த்தால் நன்கு விளங்கும்.

 

  

நீங்களும் செய்து பாருங்கள்..
சாதத்தோடு பூண்டுப் பொடி பரிமாறிப்  பாருங்கள்  அலாதியான ருசியுடன் , உங்கள் அன்புக்குரியவர்களின்  இதயத்தையும்  ஆரோக்கியமாகப் பாதுகாத்துக் கொடுக்கும். நீங்களும் சாப்பிட மறக்க வேண்டாம். உங்கள் இதயமும் பலப்படட்டும் .


Monday, March 20, 2017

இட்லி ஃபிரை!

இட்லி ஃபிரை செய்முறை  வீடியோ இணைப்பு இதோ: செய்து பார்த்து  உங்கள் மேலான கருத்துக்களை  எதிர் பார்க்கிறேன்.




  செய்து பார்த்து  உங்கள் மேலான கருத்துக்களை  சொல்லுங்கள்!.

                                                         நன்றி! நன்றி! நன்றி!