Friday, September 19, 2014

தோசை மிளகாய் பொடி ( with Flax Seeds--ஆளி விதை )

Flax seeds  என்று அழைகப்படும்  ஆளி  விதை உடலிற்கு ஆரோக்கியப் பலன்கள் நிறைந்தது என்று பரவலாக பேசப்படுகிறது.  Omega3 fatty acids மற்றும் நார்சத்து நிறைந்து காணப்படும் இதை உபயோகித்து நாம் இட்லிக்குத் தொட்டுக் கொள்ளும் மிளகாய்  பொடி செய்யும் முறை பார்ப்போம்.

இதற்குத் தேவையானவை:


  1. சிவப்பு மிளகாய் --கைப்பிடியளவு (உங்கள் விருப்பத்திற்கேற்ப)
  2. உளுத்தம்பருப்பு --1 சின்ன டம்ளர்.
  3. Flax Seeds/ ஆளி  விதை -- 1/4 டம்ளர் .
  4. பெருங்காயம்---சிறிது.
  5. உப்பு  உங்கள் ருசிக்கேற்ப .
  6. எண்ணெய் --2 ஸ்புன் 


செய்முறை :

வாணலியை அடுப்பில் போட்டு  சூடானதும்,  வெறும் வாணலியில் ( எண்ணெய்  விடாமல் ) ஆளி  விதையைப்  போடவும். ஆளி  விதைகள்  படபட என்று பொரியும்.(எள் வறுப்பதைப் போல்) . நன்கு பொரிந்ததும் அதை ஒரு தட்டில் எடுத்து வைத்துக் கொள்ளவும்.

வாணலியில் எண்ணெய்  விடவும். எண்ணெய்  சூடானதும் , முதலில் பெருங்காயம்  போட்டு வறுக்கவும். பின்பு  மிளகாய், உளுத்தம் பருப்புப் போட்டு  சிவக்க வறுக்கவும். வறுத்ததை  ஒரு தட்டில் கொட்டி ஆற வைக்கவும்.

பின்பு உப்பு சேர்த்து , மிக்சியில் கொட்டி  பொடித்து வைத்ததுக் கொள்ளவும்.
ரொம்பவும் நைசாக இல்லாமல் இருந்தால் ஒரு தனி சுவையாக இருக்கும்.
ஆளி விதை மணம் , பொடிக்குக்  கூடுதல் சுவைக்  கூட்டும்.





இட்லிக்கு / தோசைக்கு  மிளகாய் பொடி போட்டு நல்லெண்ணெய் விட்டுக் குழைத்து  சாப்பிடவும். சுவையோ சுவையாக இருக்கும். 


1 comment:

  1. மிளகாய்ப்பொடி செய்முறை விளக்கமும் படங்களும் அருமை. பாராட்டுக்கள். வாழ்த்துகள்.

    தொடர்புடைய என் பதிவு:
    http://gopu1949.blogspot.in/2013/03/blog-post_10.html

    தலைப்பு:

    வெண்ணிலவைத்தொட்டு ....... முத்தமிட ஆசை ! மிளகாய்ப்பொடி கொஞ்சம் ....... தொட்டுக்கொள்ள ஆசை !!

    அன்புடன் கோபு

    ReplyDelete

உங்கள் கருத்தை இங்கே பதியுங்கள்